समाचार

एसईईमा सबै विषयमा ए प्लस ल्याउने पाण्डे भन्छन्ः मुटुरोग विशेषज्ञ बन्छु

चन्द्रकान्त खनाल

रुपन्देही- रुपन्देहीका आदर्श पाण्डेले माध्यमिक शिक्षा परीक्षा (एसईई) मा सबै विषयमा ए–प्लस ल्याएका छन्। पाण्डे रुपन्देहीको सैनामैना नगरपालिका– ८ मा रहेको रामापुर रिभाईबल बोडिङ्ग स्कुलका छात्र हुन्। सबै विषयमा एप्लस ल्याएका उनी नेपाल टप भएको दाबी विद्यालयले गरेको छ। 

पाण्डेले प्लस टुमा विज्ञान विषय लिएर पढ्ने र त्यसपछि एमबिबिएस हुँदै मुटुरोग विशेषज्ञ बन्ने लक्ष्य रहेको बताएका छन्। ‘सानैदेखि डाक्टर बन्ने लक्ष्य लिएको थिएँ,’ उनले भने, ‘डाक्टर बन्नका लागि खुड्कीलो चढ्दै छु। म मुटुरोग विशेज्ञ भएर नेपालीको सेवा गर्न चाहन्छु।’ सानो उमेरमा निमोनीयाले थलाएको र आमा पनि बिरामी भैरहेने समस्या भोगेपछि भविष्यमा डाक्टर बन्ने सपना देखेको उनले बताए। २०५७ सालमा जन्मेका पाण्डे नर्सरीदेखि नै उक्त विद्यालयमा पढ्दै आएका थिए। 

सानै उमेरदेखि पढाईमा अबल्ल पाण्डे कक्षा ९ सम्म नै विद्यालयमा प्रथम हुँदै आएका थिए । पढाईसँगै पाण्डे अतिरिक्त क्रियाकलापमा पनि उत्कृष्ट हुने गर्छन्। पाण्डे कविता बाचन, लेखन, साहित्य, हाजिरिजवाफ प्रतियोगितामा पनि उत्कृष्ट रहेको विद्यालयले जनाएको छ।
 

swasthyakhabar

प्रतिकृया दिनुहोस

पढ्नै पर्ने

Nepali Live