समाचार

६ महिनादेखि अस्पताल भवनको निर्माण कार्य अलपत्र

स्वास्थ्यखबर

इटहरी– बिपी कोइराला स्वास्थ्य विज्ञान प्रतिष्ठान परिसरमा पछिल्लो समयमा निर्माण थालिएको मुटु तथा क्यान्सर रोग उपचारसम्बन्धी अस्पताल भवनको निर्माण कार्य विगत ६ महिनादेखि अघि बढ्न सकेको छैन। 

उक्त अस्पताल भवन ४ अर्ब ५० करोड रुपैयाँको लागतमा निर्माण थालिएको हो। निर्माण कार्यको सुपरीवेक्षणको जिम्मेवारी दिइएको केज कन्सल्टेन्सीले उक्त भवन निर्माण गर्दा अन्तर्राष्ट्रिय प्रचलनमै नरहेको ३ दशमलब ५ प्रतिशत कन्सल्टेन्सी बापतको रकम लिएको छ। 

अग्रिम रुपमा कन्सल्टेन्सी बापतको १४ करोड रुपैयाँ रकम भुक्तानी दिइसकिएको बताइएको छ। तर, भवन बनाउने कार्य भने अधुरो र अलपत्र छ। प्रतिष्ठानका उपकुलपति प्रा डा राजकुमार रौनियारले कन्सल्टेन्सी बापतको रकम भुक्तानी दिएर उक्त भवन निर्माणबापत विनियोजित रकममध्ये ९ करोड रुपैयाँ एमआरआई मेसिन खरिदमा रकमान्तर गरेपछि भवन निर्माण कार्य अलपत्र परेको प्रतिष्ठानका जानकार पदाधिकारीहरुको आरोप छ। 

अस्पताल भवनको ९ करोड रुपैयाँ एमआरआई मेसिन खरिदमा रकमान्तर गरिए पनि अन्तिममा त्यसको पनि सम्झौता रद्द गरिएपछि एमआरआई खरिद कार्य पनि अवरुद्ध भएको छ। 

अस्पताल निर्माण्को दुई वर्ष अवधि सकिए पनि ४० प्रतिशत मात्रै काम भएको प्रारम्भिक अनुमान छ। रासस

swasthyakhabar

प्राप्त प्रतिकृयाहरू

यसमा तपाइको मत

प्रतिकृया दिनुहोस

पढ्नै पर्ने

Nepali Live