मुख्य समाचार

एक वर्षे सुरक्षित मातृत्व विशेष अभियान सुरु , 'एक पालिका एक सुरक्षित मातृत्व कोष’ स्थापना हुने

स्वास्थ्यखबर

सरकारले  २०७५  भरि सुरक्षित मातृत्व विशेष अभियान चलाउने भएको छ। त्रिवि शिक्षण अस्पतालमा सोमबार आयोजित कार्यक्रममा स्वास्थ्य राज्यमन्त्री पद्मा अर्यालले अभियन सुरु भएको घोषणा गरिन्।

अभियान अन्तर्गत पहिलो चरणमा वैशाखदेखि असारसम्म सबै अस्पतालहरुबाट पाठेघरको मुख र स्तन क्यान्सर परीक्षण हुनेछ। फिस्टुला र क्यान्सर भए/ नभएको निःशुल्क परीक्षण गरिनेछ।

यस्तै साउनदेखि असोजसम्म सबै पालिकामा एक सुरक्षित मातृत्व कोषको स्थापना गर्ने लक्ष्य लिइएको छ। ‘एक पालिका एक सुरक्षित मातृत्व कोष अभियान देशव्यापी बनाइनेछ,’ राज्यमन्त्री अर्यालले भनिन्, ‘यो कोष आकस्मिक प्रसुति सेवामा उपयोग हुनेछ।’

अभियान अन्तर्गत कात्तिकदेखि पुससम्म सुरक्षित मातृत्व सम्बन्धी किशोर–किशोरी अवस्थादेखि नै जनचेतना फैलाउने उद्धेश्य सहित देशव्यापी रुपमा निबन्ध र वक्तृत्वकला सम्बन्धी कार्यक्रम सञ्चालन गरिनेछ।

यसैगरी, पुषदेखि फागनुसम्म किशोरीहरुलाई महिनावारी हुँदा सरसफाई चेतना अभिबृद्धिका लागि सार्वजनिक विद्यालयमा अध्ययनरत छात्राहरुलाई राष्ट्रव्यापी रुपमा स्यानीटरी प्याड वितरण गरिनेछ। यो अभियानलाई शिक्षासँगै किशोरी तथा महिलाको क्षमता अभिवृद्धिसँग पनि जोडिने मन्त्री अर्यालले जानकारी दिइन्।

आमाहरु सम्मानित
सोही अवसर शिक्षण अस्पतालमा महराजगञ्जमा भर्खरै आमा बनेका ५ जनालाई सम्मान गरिएको छ । राज्यमन्त्री अर्यालले भर्खरै बच्चा जन्माएर अस्पतालमा उपचाररत अनित श्रेष्ठ, कौशिला दनुवार, विमला थापा, कल्पना न्यौपाने र जानकी पौडेललाई दोसल्ला ओढाएर सम्मान गरेकी हुन् । 
 

 

swasthyakhabar

प्राप्त प्रतिकृयाहरू

यसमा तपाइको मत

प्रतिकृया दिनुहोस

पढ्नै पर्ने

Nepali Live