मुख्य समाचार

पुराना स्वयंसेविकालाई रु २० हजारसहित बिदा, नयाँका लागि १० पास अनिवार्य

स्वास्थ्यखबर

यहाँको एक स्थानीय तहले लामो समयदेखि काम गर्दै आएका महिला स्वयंसेविकालाई २० हजार रुपैयाँ सहित बिदा गरेको छ । पुराना स्वयंसेविका कम पढलेख र उमेरले निष्क्रिय अवस्थामा रहेकाले नयाँ बनाउने बाटो खोल्न गौमुल गाउँपालिकाले यस्तो प्याकेज अघि सारको हो।

स्थानीयको स्वास्थ्यका लागि पहिलो स्वास्थ्यकर्मी महिला स्वास्थ्य स्वयंसेविका भएकाले पढेलेखेका र सक्रिय जनशक्ति जरुरी रहेको गाउँपालिका अध्यक्ष हरि रोकायाले बताए। उनले भने, ‘लामो समयदेखि स्वयंसेविकाका रुपमा काम गरेका उहाँहरुको ठूलो योगदान छ तर अब हामीले स्वास्थ्यका विषयमा नयाँ ढंगले सोच्ने समय आएको छ । त्यसैले सक्रिय र पढेलेखेका स्वयंसेविका हुनुपर्छ।’
यसअघि साक्षरता मात्रै हासिल गरेका महिला पनि उक्त गाउँपालिकामा स्वयंसेविका थिए । तर, नयाँ बन्नेका लागि १० कक्षा पास अनिवार्य गरिएको छ।

लामो समय सेवा गरेवापत तत्काल २० हजार उपलब्ध गराइएको र भविष्यमा उनीहरुलाई आयआर्जनका लागि कुनै कार्यक्रम ल्याउने तयारी भएको अध्यक्ष रोकायाले बताए।

गौमुल यहाँका अन्य स्थानीय सरकारको तुलनामा सवैभन्दा सफल स्थानीय तहका रुपमा कहलिन थालेको छ।

 

swasthyakhabar

प्राप्त प्रतिकृयाहरू

यसमा तपाइको मत

प्रतिकृया दिनुहोस

पढ्नै पर्ने

Nepali Live