मुख्य समाचार

डाक्टरहरुले अाज माइतीघरमा १० बजेदेखि अोपिडी चलाउने


काठमाडौ‌ं- डा गोविन्द केसीको समर्थनमा आन्दोलनमा उत्रेका डाक्टरहरुले अाज माइतीघरमा बिरामी जाँच्ने भएका छन्। त्रिवि शिक्षण अस्पतालका आवासीय चिकित्सक र इन्टर्न डाक्टरहरुले माइतीघरमा अोपिडी सेवा दिने भएका हुन्। उनीहरुले शिक्षण अस्पतालमा भने अाजदेखि आकस्मिक बाहेकका सेवा ठप्प पार्ने भएका छन्।

१४ दिनदेखि जुम्लामा आमरण अनशनरत डा गोविन्द केसीको माग सुनुवाई गर्न सरकारले चासो नदिएको र जीवन रक्षाका लागि सरकार संवेदनशील नभएको भन्दै उनीहरुले आकस्मिक बाहेकका सेवा बहिस्कार गर्ने घोषणा गरेका हुन्। अोपिडी सेवा भने माइतीघरमा दिन निर्णय भएको आवासीय चिकित्सकहरुको संस्था नेशनल रेजिडेन्ट डक्टर्स एशोसिएशनका अध्यक्ष डा सुमित पाण्डेले जानकारी दिए।

उनका अनुसार माइतीघरमा १० बजेदेखि अोपिडी सेवा सुरु हुन्छ। एसोसिएसनमा ३ सयभन्दा बढी आवासीय चिकित्सक आबद्ध छन्।

सरकारले माइतीघरलार्इ निषेधित क्षेत्र घोषणा गरेको छ।

प्रतिकृया दिनुहोस

प्राप्त प्रतिकृयाहरू

यसमा तपाइको मत




पढ्नै पर्ने