मुख्य समाचार

डाक्टरलाई सांसद पोखरेलको आग्रह- कानुन बनाउँदा मलाई नै पर्छ भनेर नसोच्नुस्

स्वास्थ्यखबर

चितवन- चितवन २ बाट निर्वाचित नेपाल कम्युनिस्ट पार्टी (नेकपा) का सांसद कृष्णभक्त पोखरलले मुलुकी अपराध संहितामा गरिएका व्यवस्थालाई लिएर डाक्टरहरुले आन्दोलन गर्नु नपर्ने बताएका छन्।

चितवनको भरतपुरस्थित नारायणगढमा आइतबार आयोजित आठौं हेल्थ अवार्ड तथा नेपाल लाइभको पहिलो वार्षिकोत्सवका कार्यक्रममा बोल्दै पोखरलले मुलुकी संहिता लेख्दा केही कमजोरी भएको स्वीकार गरे।

'केही कमजोरी भएका छन्। खासगरी लापरबाही र हेलचेक्र्याइँको निरुपण कसले गर्ने भन्ने विषयमा कमजोरी भएको हो', उनले भने, 'डाक्टरले आफ्नो क्षमताले उपचार गर्दा बिरामीलाई केही भएमा आफन्तले पुलिसकहाँ उजुरी गरे भने लापरबाही भएको हो कि होइन भनेर कसले अभियोजन गर्ने?' 

पोखरेलले नियम कानुन बनाउँदा मलाई नै पर्छ भनेर नसोच्न डाक्टरहरुलाई आग्रह गरे। 

हेल्थ अवार्डबाट सम्मानितहरुलाई बधाई दिँदै पोखरलले पुरस्कारले हजारौंहजारलाई उत्प्रेरित गर्ने बताए। 'सम्मान पाउनेहरुले सम्मान पाउनैका लागि काम गरेका होइनन्', उनले भने, 'तर, यो सम्मानले अरु हजारौंहजारलाई उत्प्रेरित गर्छ।'

swasthyakhabar

प्राप्त प्रतिकृयाहरू

यसमा तपाइको मत

प्रतिकृया दिनुहोस

पढ्नै पर्ने

Nepali Live