मुख्य समाचार

निजी अस्पताल र मेडिकल कलेजमा काम नगरेका डा. मृगेन्द्रराज पाण्डेलाई लाइफटाइम अचिभमेन्ट अवार्ड


चितवन– स्वास्थ्य खबर लाइफ टाइम अचिभमेन्ट अवार्ड डा मृगेन्द्रराज पाण्डेलाई दिइएको छ । उनको सेवामुखी भावनालाई कदर गर्दै चितवनमा आयोजित स्वास्थ्य खबर हेल्थ अवार्ड २०७५ मा पूर्व प्रधानमन्त्री पुष्पकमल दाहाल प्रचण्डले लाइफ टाइम अचिभमेन्ट अवार्डबाट सम्मानित गरे ।

चिकित्सा आफैंमा सेवामुखी पेसा हो । डा. मृगेन्द्रराज पाण्डेको समयमा चिकित्सालाई करियर बनाउँदा सेवा अनिवार्य र सर्वोपरि थियो । किनभने अहिलेको जस्तो निजी चिकित्सकीय अभ्यास गरेर आर्थिकोपार्जन गर्न सकिने जमाना थिएन । तर, डा. पाण्डे बिरामीको सेवा गरेर मात्रै सन्तुष्ट हुन सकेनन् । २०३२ सालदेखि अशिक्षा, अभाव र अविकासले थलिएको समाजको समेत उपचार गर्ने कर्ममा अघि सरेका उनी ८७ वर्षको उमेरमा पनि उत्तिकै सक्रिय छन्। 

यसका लागि सीमान्तकृत समुदायको सेवाका लागि गुठी परम्परामा चल्नेगरी संस्था खोले । पूरै परिवारको साथ–सहयोगबाट २०३२ साल फागुन ६ गते सामाजिक संस्था ‘मृगेन्द्र चिकित्सा गुठी’ जिल्ला प्रशासन कार्यालय काठमाडौंमा औपचारिक रूपमा दर्ता भयो। 

संस्थामा उनीसहित सातजना संस्थापक थिए । सेवा गर्नका लागि पनि पैसा आवश्यक थियो । गुठी सञ्चालनका लागि आर्थिक स्रोत जुटाउन उनले २०२६ साल कात्तिकमा किनेको काठमाडौंको जमलस्थित ११ सय ५० वर्गफिट क्षेत्रफलमा निर्मित तीनतले पक्की घर गुठीको नाममा दर्ता गरिदिए । 

कहिल्यै पनि निजी अस्पताल तथा कलेजमा काम नगरेका डा. पाण्डेको धारणा छ, ‘स्वास्थ्य क्षेत्र सेवा हो, त्यो व्यापारसँग जोडिनु हुँदैन ।’
 

प्रतिकृया दिनुहोस

प्राप्त प्रतिकृयाहरू

Ekaraj Bhattarai. लेख्नुहुन्छ असोज ८, २०७५ सोमवार ११:१४:१३
सबै स्वास्थ्यकर्मी र चिकित्सकहरूले डा० मिगेन्द्रराज पाण्डेको याेगदानबाट केही न केही प्रेरणा लिएर सेवाकाे भावनालाई अात्मसात गर्दै सेवामा जुटेमा चिकित्सा सेवामा धेरै सुधार आउने छ।बिशेषत: सरकारी अस्पतालमा सुधार ल्याउने तर्फ ध्यान पुगाेस् ।मानिस भाैतिकरुपमा अजम्बरी छैन ।जीवित छंदा आफ्नाे कर्तव्यबोध गरी कर्तव्य निर्वाह गरेमा जीवनपर्यन्त सम्मान प्राप्त गर्नसकिन्छ ।आफ्ना भावी सन्ततिहरू गाैरव गर्नेछन् ।
Ishwara parajuli लेख्नुहुन्छ असोज ७, २०७५ आइतवार २२:२९:४६
Paisa mukhi dr. Haru le prerana li a hune thiyo!

यसमा तपाइको मत




पढ्नै पर्ने