मुख्य समाचार

कर्णाली स्वास्थ्य विज्ञान प्रतिष्ठानमा आइसियू सेवा सुरु


काठमाडौं— कर्णाली स्वास्थ्य विज्ञान प्रतिष्ठान, जुम्लामा सघन उपचार कक्ष (आइसियू) सेवा सुरु भएको छ । अघिल्लो वर्ष नै सेवा सुरु गर्ने तयारी गरिएको भएपनि २४सै घण्टा बिजुली बत्तिको सुविधा नहुुँदा सेवा सुरु हुन सकेको थिएन। 

गत असोजबाट जुम्लामा २४सै घण्टा विद्युत् सेवाको सुविधा भएपछि जनशक्ति व्यवस्थापन गरी  विहिबारदेखि तीन बेडको आइसियू सेवा सुरु गरिएको कर्णाली स्वास्थ्य विज्ञान प्रतिष्ठानका रजिष्ट्रार विश्वराज काफ्लेले जानकारी दिए । मंसिरबाट तीन बेड थप गरी ६ बेडको आइसियू सेवा सञ्चालन गर्ने उनले बताए। 

आइसियू सेवाको सुविधा नहुँदा कर्णाली प्रदेशका बिरामीलाई लाखौँ रकम खर्च गरी नेपालगञ्ज र काठमाडौं आउनुपर्ने बाध्यता छ । कर्णाली प्रदेशका हुम्ला, जुम्ला, मुगु, कालिकोट, डोल्पाका बासिन्दालाई जुम्लामा आइसियू सेवा सुरु भएपछि गम्भीर प्रकृतिका बिरामीका लागि सुविधा हुने अपेक्षा गरिएको छ।

प्रतिष्ठानले मंसिरबाट रक्तसञ्चार सेवा र सिटी स्क्यान सेवा पनि सुरु गर्ने तयारी गरेको छ । रजिष्ट्रार काफ्लेले भने, ‘रक्तसञ्चारका लागि सबै सामग्री आइसकेको  । जडानको काम भइरहेको छ। सिटी आउने क्रममा छ।’

प्रतिकृया दिनुहोस

प्राप्त प्रतिकृयाहरू

Bol Raj Acharya लेख्नुहुन्छ कात्तिक १६, २०७५ शुक्रवार २१:४३:४१
हो अब स्वास्थ्य क्षेत्र नया concept मा जानु जरुरि छ , यसमा मेरो नितान्त नया concept छ अब कुनै पनि ठुला सरकारी वा सरकारी स्वमित्यो का प्रतिष्ठान का अस्पताल हरु तराई मा होइन पहाड मा खोलिनु पर्छ त्यहा ठुला ठुला अपरेशन हुनपर्छ, ICU ,CCU, NICU ,modular OT , CT ,MRI DEXA , USG ,COLOUR DOPPLER सहितका बिशेशग्य सेवा हुनुपर्छ, HELIPHAD सहित को भबन बाट सेवा दिनु पर्छ , उदारण को लागि धनगडी बाट reffer भयर उपचार गर्न बाजुरा जाने system लिनु पर्छ , अब बिरामी भयको मान्छे उपचार गर्न बाजुरा आउछ , उ त्यो बाजुराको सितल हावापानी मा बसेर उपचार गर्छ , कोलाहल बाट टाडा रहेर उसको उपचार हुन्छ ,रेस्ट गर्छ र सन्च भयापाची धनगडी झर्छ , अब यता hospital को west management गर्न पनि सहज हुन्छ, उता दुर्गम का जनताले मर्न पाउदैनन ..............यो धेरै लामो छ cont ... बोल राज आचार्य

यसमा तपाइको मत




पढ्नै पर्ने