काठमाडौं – रेमडेसिभिर औषधिलाई कोही कसैले खुद्रा मूल्य भन्दा बढीमा विक्री वितरण गरेमा औषधि व्यवस्था विभागमा गुनासो गर्न सकिने भएको छ।
विभागले सोमबार एक विज्ञप्ती जारी गर्दै रेमडेसिभिर लगायतका औषधिबारे कुनै गुनासो भए त्यसलाई सम्बोधन गर्न गुनासो सुन्ने व्यक्ति समेत तोकेको जनाएको छ।
रेमडेसिभिर औषधि अधिकतम खुद्रा मुल्य भन्दा बढीमा बिधी वितरण भएको पाइएमा सन्तोष केसी र उषा तण्डुकारलाई सम्पर्क गर्न सकिने विभागले जनाएको छ।
कोरोना महामारी फैलदै गर्दा कोरोना संक्रमितको स्वास्थ्य उपचारमा प्रयो गरिने रेमडेसिभिर लगायतका औषधिहरुमा कृत्रीम अभाव सृजना गरी मानवीय संवेदना समेत ख्याल नगरी अधिकतम खुद्रा मुद्यय भन्दा बढीमा विक्री वितरण भएरको जनसुनासो विभागमा आएको जनाइएको छ।
विभागले तोकिएको खुद्रा मुल्य भन्दा बढीमा खरिद नगर्न समेत सबैलाई सचेत गराएको छ।
रेमडेसिभिरबारे गुनासो गर्न सम्पर्क नम्बर
सन्तोष केसी ९८५१११८२०८७
उषा तण्डुकार ९८४१३८५६४६