काठमाडौं- अख्तियार दुरुपयोग अनुसन्धान आयोगका प्रमुख आयुक्त नवीन घिमिरेले स्वास्थ्य सामग्री खरिद र सेक्युरिटी प्रिन्टिङ प्रेस खरिदबारे अनुसन्धान भइरहेको बताएका छन्।
आइतबार प्रतिनिधिसभाको राज्य व्यवस्था तथा सुशासन समितिमा प्रमुख आयुक्त घिमिरेले कोरोना महामारीको समयमा स्वास्थ्य सामग्री खरिदका लागि ओम्नी समूहसँग भएको सम्झौता र खरिदका क्रममा भएको अनियमितबारे अनुसन्धान चलिरहेकाे बताएका हुन्।
'खरिद प्रक्रियामा संलग्नहरुमाथि अनुसन्धान भइरहेकाे छ,' उनले भने।
सम्बन्धित निकायसँग आवश्यक कागजात मगाउने र बयान लिने चरणमा अनुसन्धान रहेकाे उनले बताए।
