प्रभुराज वैद्य नेपालको नाम चलेको औषधि वितरण कम्पनीन यतिकेम डिस्ट्रीब्युटर्सका कार्यकारी अध्यक्ष हुन्। १२ वर्षको उमेरमा बुवाको सहयोगी भएर औषधि क्षेत्रमा प्रवेश गरेका उनी ७० वर्षको उमेरसम्म उत्तिकै सक्रिय छन्। उनी भन्छन्- अझै कम्तिमा १० वर्ष सक्रिय रहन्छु। शारिरीक स्वास्थ्यका लागि लामो समयदेखि नै अभ्यास गरिरहेका उनले अहिले मानसिक स्वस्थताका लागि 'अध्यात्म' अंगालेका छन्।
विज्ञानमै स्नातकोत्तर गरेका, औषधि वितरणमा समर्पित 'वैद्य'ले सधैं गुणस्तरीय औषधि बिरामीसम्म पुग्नुपर्ने कुरामा जोड दिए। उनले गुणस्तरीय औषधिका लागि 'मल्टिनेशनल कम्पनी' गुहारे। वितरणमा त्यसको गुणस्तर तलमाथि नहोस् भनेर भण्डारको वैज्ञानिक विधि अपनाए।
औषधि 'व्यवसाय' मात्रै नभए सेवा समेत रहेको अनुभूत गरेको यो क्षेत्रमा प्रवेश गरेका कारण उनले नाम र दाम दुवै कमाए। त्यसकारण औषधि क्षेत्रमा उनका अनुयायी छन्। उनलाई प्रेरणाको स्रोत ठान्छन्। नेपालमा उपलब्ध नहुने, महंगो र जीवनका लागि अत्यावश्यक औषधिको पहुँचका लागि काम गरेका यी 'औषधिका प्रभु, विज्ञानका विद्यार्थी हुन् अध्यात्मका अनुयायी' बनेका छन्। उनको जीवन, जगत र अनुभूतिलाई लिएर गरिएको संवाद :
