विश्व स्वास्थ्य

२०१७ मा जापानमा जन्मिएका शिशुको संख्यामा उल्लेख्य कमी : तथ्यांक


टोकियो– जापानमा सन् २०१७ मा जन्मिएका शिशुको सङ्ख्यामा उल्लेख्य कमी आएको शुक्रबार सार्वजनिक भएको सरकारी तथ्याङ्कमा जनाइएको छ। 

जापानको स्वास्थ्य, श्रम तथा कल्याण मन्त्रालयका अनुसार नवजात शिशुको जन्मदरमा थप गिरावट आएको र यो संख्या गत वर्षको ९ लाख ४६ हजार ६० बाट पनि तल झरेको छ। 

अघिल्लो वर्ष जन्म भएका शिशुहरुको संख्यामा ३० हजार ९ सय १८ ले कमी आएको कारणले सन् २०१७ मा जापानमा जनसङ्ख्या ३ लाख ९४ हजार ३७३ ले घटेको छ भने मृत्यु हुनेको संख्या ३२ हजार भन्दा माथि छ। मृत्यु हुनेको यति ठूलो संख्या दोस्रो विश्वयुद्ध पश्चात् (१३ लाख ४० हजार ४ सय ३३) पछिको सबैभन्दा धेरै भएको मन्त्रालयको तथ्याङ्कले देखाएको छ। 

जापानको जम्मा प्रजनन दरमा शून्य दशमलब ०१ बाट गत वर्ष १ दशमलब ४३ मा झरेको बताइएको छ। यो तथ्याङ्क जापानी महिलाले आफ्नो जीवनकालमा औषतमा जन्माउन सक्ने शिशुको आधारमा तय भएको हो। 

जापानी प्रशासकीय प्रान्तअनुसार हेर्दा सवैभन्दा बढी प्रजनन दर ओकिनावामा १ दशमलब ९४ रहेको छ भने सवैभन्दा कम जापानको राजधानी टाकियोमा रहेको पाइएको छ। 

जापान सरकारले सन् २०२५ सम्ममा प्रजनन दरलाई १ दशमलब ८ पुर्याउने बताएको छ। जापानको जनसङ्ख्यालाई सन्तुलनमा राख्न प्रजनन दरलाई २ दशमलब ०७ पुर्याउनुपर्छ।

जापानमा महिलाहरूको बच्चा जन्माउने उमेर र विवाह दरमा अघिल्लो वर्षको तुलनामा सन् २०१७ मा १३ हजार ६ सय ६८ सङ्ख्याले घटेको छ। यो सङ्ख्या विश्वयुद्धपूर्व ६ लाख ६ हजार ८ सय ६३ रहेको थियो। 

जापानको जनसङ्ख्यामा रहेको समस्यामाथि प्रकाश पार्दै तथ्याङ्कमा भनिएको छ, ‘जापानमा बालबालिकाको सङ्ख्यामा एक वर्ष पहिले डेढ करोड रहेकोमा गत वर्ष १ लाख ७० हजारले कमी आएको थियो। 

तथ्याङ्क विभागको तथ्याङ्क अनुसार १४ वर्ष र यसमूनिका बालबालिकाको सङ्ख्यामा निरन्तर ३७औँ वर्ष पनि गिरावट देखिएको छ। 

जापानमा जनसङ्ख्याको रेकर्ड राख्न सन् १९५० पछि सुरु गरिएको थियो। वर्तमान प्रधानमन्त्री सिन्जो आबेद्वारा राष्ट्रको निम्न जन्मदरलाई बढाउने कार्यक्रमका बाबजुद गत वर्ष पनि नवजात शिशुको जन्मदरमा अपेक्षाभन्दा कमी नै देखिएको छ। 

आबेले राष्ट्रको जन्मदरलाई प्रोत्साहन गर्न दिवासेवा सुविधा तथा निम्न आय भएका नागरिकलाई राज्यद्वारा प्रोत्साहन भत्ता उपलब्ध गराइने घोषणासमेत गरेका थिए।

यद्यपि नतिजाले अझैपनि गुणात्मक रूपमा भिन्नता ल्याउन काम गर्नुपर्ने देखाएको छ। विभागका अनुसार बालबालिकाको जनसङ्ख्यामा गत वर्ष नयाँ किर्तिमानी रूपमा १२ दशमलब ३ प्रतिशतले कमी आएको र बालबालिकाको जनसङ्ख्यामा कमी देखिएको यो निरन्तर ४४औँ वर्ष हो। 

जापानको समग्र जनसङ्ख्याको तुलनामा बालबालिकाको जनसङ्ख्या दर विश्वका ४ करोड र यसभन्दा बढी जनसङ्ख्या भएका मुलुकमाभन्दा निकै कमी देखिएको सरकारी तथ्याङ्कले देखाएको छ। 

दुई वर्षमूनिका शिशुहरूको सङ्ख्या सन् २०१७ मा जम्मा २९ लाख ३० हजार रहेको मन्त्रालयको तथ्याङ्कमा छ। सन् २०१७ मा जापानको जनसङ्ख्यामा निरन्तर सातौँ वर्ष पनि गिरावट आई जम्मा १ अरब २६ लाख ७० हजार पुगेको छ। जसको २७ दशमलब ७ प्रतिशत संख्या ६४ वर्ष र यसभन्दा माथिका नागरिकको रहेको सरकारी तथ्याङ्क छ। 

जापानका जनसङ्ख्याबारे विज्ञहरूले भने यदि यही रूपमा जनसङ्ख्यामा गिरावट आएमा आगामी सन् २०५० सम्ममा जापानमा अहिलेको जनसङ्ख्यामा २३ प्रतिशतले कमी आउने आँकलन गरेका छन्। यो अवस्था यो शताब्दीको अन्त्यसम्म पनि कायम रहने देखिएको बताइएको छ। रासस/सिन्ह्वा

प्रतिकृया दिनुहोस

प्राप्त प्रतिकृयाहरू

यसमा तपाइको मत



पढ्नै पर्ने