धनगढी- कैलालीको धनगढी उपमहानगरपालिका वडा नम्बर ४ स्थित गार्डनर प्याराडाईज स्कुलमा निःशुल्क दन्त शिविर भएको छ।
धनगढी वडा नम्बर १ मा रहेको मुस्कान डेन्टल होमको आयोजनामा शुक्रबार विद्यालयमा शिविर गरिएको हो।
एक दिने दन्त शिविरमा विद्यार्थी तथा कर्मचारी लगायत गरि ८५ जनाले सेवा लिएको आयोजकले जनाएको छ।
शिविरमा परिक्षण गरिएका व्यक्तिहरुलाई निःशूल्क औषधि वितरण गरिएको छ।
मुस्कान डेन्टल होमले सो विद्यालयका अभिभावक, विद्यार्थी तथा कर्मचारीहरुलाई उपचार लिन आउदा २० प्रतिशत छुट सहितको सेवा दिने सम्झौता गरेको छ।
