समाचार
भीम अस्पतालमा २४ घन्टे ल्याब सेवा सुरु
दीपक घिमिरे
भैरहवा - भैरहवास्थित भीम अस्पतालमा चौबिस घन्टे ल्याब सेवा सुचारु गरिएको छ। हालसम्म ओपिडी सेवा समयमा मात्रै सञ्चालन हुदै आएको ल्याब सेवा (प्रयोगशाला) बिहिबारबाट चौबिसै घन्टा सञ्चालनमा ल्याइएको अस्पतालले जनाएको छ।
चौबिस घन्टे ल्याब सेवाको जिल्ला समन्वय समितिका सभापति एकराज बिश्वकर्मा र सिद्धार्थ उद्योग बाणिज्य संघका अध्यक्ष कुलप्रसाद न्यौपानेले संयुक्त रुपमा उद्घाटन गरे।
अस्पतालको सेवा प्रवाहलाई सुदृढिकरण गर्न चौबिसै घन्टा प्रयोगशाला सञ्चालनमा ल्याएपछि रगत, दिसा तथा पिसाब परीक्षणका लागि बाहिर जानुपर्ने बाध्यता हटेको अस्पतालका मेडिकल सुपरिटेन्डेन्ट डा नबिन दर्नालले बताए।
अस्पतालले ल्याब सेवाका लागि ८ जना प्राविधिकलाई ३ सिफ्टमा विभाजन गरेको छ।
अस्पतालले हालसम्म दैनिक सरदरमा ७० जनालाई ल्याब सेवा दिँदै आएको बताएको छ। चौबिस घन्टे सेवा सुरु भएपछि सेवाग्राही पनि बढ्ने अस्पतालका सुचना अधिकारी गोपाल उपाध्यायले जानकारी दिए।
उनले अहिले थाइराइड बाहेकका सबैजसो ल्याब सेवा दिन सक्ने गरी पूर्वाधार तयार गरेर काम अगाडि बढाइको बताए।
अस्पताल विकास समितिका अध्यक्ष समेत रहेका विश्वकर्माले फागुन महिनाभित्रै अस्पताललाई २५ श्ययाबाट ५० शैयामा स्तरोन्नती गर्ने गरी काम अगाडि बढाइएको बताए।
विकास समितिका सदस्य तथा सिद्धार्थ उद्योग वाणिज्यका अध्यक्ष कुलप्रसाद न्यौपानेले भीम अस्पताललाई जिल्लाकै उत्कृष्ट प्रसूति गृहको रुपमा विकास गर्नु पर्नेमा जोड दिए।
- सरकारले उपत्यकामा तोक्यो १४ वटा स्वाब संकलन केन्द्र, बिहान ९ बजेदेखि दिउँसो १ बजेसम्म नमुना दिन सकिने
- लकडाउनका विषयमा जनस्वास्थ्यविद्सँग प्रधानमन्त्री ओलीको परामर्श
- डब्लुएचओ नेपाल प्रमुखको आग्रह– दूरी बढाऔं, संक्रमितबाट जोगिऔं
- लकडाउनबारे सुझाव लिन प्रधानमन्त्रीले आज जनस्वास्थ्य विज्ञसँग छलफल गर्ने
- कोरोना अपडेट : संक्रमितको संख्या १ करोड ८१ लाख, यस्तो छ सार्क राष्ट्रको तथ्यांक
- नेपालगञ्जमा अस्पतालदेखि अदालतसम्म कसरी फैलियो कोरोना संक्रमण?
- बहुउपयोगी आँप : यसरी बनाउन सकिन्छ अनेक परिकार
- स्वास्थ्य बिमा बोर्डको अध्यक्षमा डा सेनेन्द्रराज उप्रेती नियुक्त
- प्लाज्मा थेरापीबाट कोरोना संक्रमितको उपचार गर्न १२ अस्पतालले पाए स्वीकृति
- विराटनगरमा एक कोरोना संक्रमितको मृत्यु, मृतकको संख्या ५८ पुग्यो
