समाचार

कोरोना अपडेट : उपचारपछि निको हुने २ लाख ३३ हजार

काठमाडौं– कोरोना भाइरसबाट संक्रमित बिरामी उपचारपछि निको भएर घर फर्किनेको संख्या २ लाख ३३ हजारभन्दा माथि पुगेको छ।

नेपाली समय अनुसार शनिबार दिउसो साढे ५ बजेसम्म २ लाख ३३ हजार ५ सय ९१ जना  बिरामी निको भएर घर फर्किसकेका छन्। 

जोन्स हप्किन्स युनिभर्सिटीको तथ्यांक अनुसार विश्वभर ११ लाख ३१ हजार ७ सय १३ जना मानिस कोरोना भाइरसबाट संक्रमित भएका छन्।

अमेरिकामा सबै भन्दा बढी मानिस कोरोना भाइरसबाट संक्रमित भएका छन्। अहिलेसम्म अमेरिकामा कोरोना भाइरसबाट संक्रमितको संख्या २ लाख ७८ हजार ४ सय ५८ पुगेको छ। 

इटालीमा संक्रमितको संख्या १ लाख १९ हजार ८ सय २७ पुगेको छ।  स्पेनमा १लाख १९ हजार १ सय ९९ जना संक्रमित भएका छन्। 

विश्वभर ५९ हजार ८ सय ८४ जनाको कोरोना भाइरका कारण ज्यान गइसकेको छ। 

कोरोना भाइरसको संक्रमणबाट सबैभन्दा बढी इटालीमा मानिसको ज्यान गएको छ। इटालीमा  १४ हजार ६ सय ८१ जाको ज्यान गइसकेको छ।

स्पेनमा मुत्यु हुनेको संख्या ११ हजार १ सय ९८ पुगेको छ।

अमेरिकामा ७ हजार४ सय ३ जनाको मुत्यु भइसको छ।

फ्रान्समा ६ हजार ५ सय ७ जनाको मुत्यु भइसको छ। 

इरानमा ३ हजार २ सय ९४ जनाको मुत्यु भइसको छ। 

नेपालमा हालसम्म ९ जनामा कोरोना भाइरसको संक्रमण देखिएको छ। जसमध्ये एक जना उपचारपछि निको भइसकेको छ भने बाँकी ८ जना अस्पतालमा उपचाररत छन्।
 

 

प्राप्त प्रतिकृयाहरू

यसमा तपाइको मत

प्रतिकृया दिनुहोस

swasthyakhabar

पढ्नै पर्ने