फाइल तस्बिर
सुर्खेत– सहरी विकास तथा भवन निर्माण विभाग संघीय आयोजना कार्यान्वयन इकाई सुर्खेतले तोकिएको समयभित्र स्वास्थ्य चौकी निर्माण नगर्ने २० निर्माण कम्पनीमाथि कारबाही थालेको छ।
संघीय आयोजना कार्यान्वयन इकाई सुर्खेतले त्यस्ता निर्माण व्यवसायीलाई जमानत जफत गरी कारबाही गर्न सूचना नै जारी गरेको छ । सूचनामा उल्लेखित ३१ व्यवसायीमध्ये २० वटा स्वास्थ्य चौकी निर्माणका रहेका छन्।
संघीय अयोजना कार्यावयन इकाइबाट एक राष्ट्रिय दैनिक मार्फत २०७५/१०/४ गते १५ दिने सूचना प्रकाशन गरिएअनुसार निर्धारित अवधिमा कार्य सम्पन्न हुन नसकेकाले निर्माण व्यवसायीहरु कारबाहीमा परेका हुन्।
‘स्रोत परिचालनको भरपर्दो योजना र कार्य सम्पन्न गर्ने प्रतिबद्धतासहित कार्य सूचारु गर्नेतर्फ चासो नदेखाइएकोले सार्वजनिक खरिद एने २०६३ तथा सार्वजनिक खरिद नियमावली २०६४ र ठेक्का सम्झौतामा प्रावधान भएबमोजिम ठेक्का सम्झौता तोडी कालोसूचीमा राख्ने तथा कार्य सम्पादन तथा अग्रिम भुक्तानी जमानत धरौटी रकम जफत गर्नुका साथै बाँकी काम गर्न लाग्ने खर्च र निर्माण स्थल सुरक्षमा लाग्ने खर्च समेत सरकारी बाँकी मानी असुल उपर गरिने छ,’ सूचनामा उल्लेख छ।
सूचनामा दैलेख, जाजरकोट, सुर्खेत, मुगु, डोल्पा, कालिकोट हुम्ला आदि जिल्लाका हेल्थ पोस्ट निर्माण तथा जिल्ला अस्पताल निर्माणमा ढिलाइ भएको जनाइएको छ। सबैभन्दा धेरै श्री फ्राइन्डस् कन्स्ट्रक्सन प्रालि कोटश्वर, काठमाडौंको चार वटा योजना परेको छ भने गाल्वा/खड्का कृष्ण जेभी, काठमाडौं र अञ्जना निर्माण सेवा कम्पनी प्रालि पुतलीसडक, काठमाडौंका दुई–दुई वटा योजना रहेका छन्।
कारबाहीमा पर्ने निर्माण कम्पनी
– श्री आशिष कन्स्ट्रक्सन, कैलाली (१. नौमुले प्राथमिक स्वास्थ्य केन्द्र भवन निर्माण कार्य, दैलेख)
– श्री मैनाचुली/सुरुची जेभी सब कन्ट्रयाक्टर मजदुर कन्सट्रक्सन सुर्खेत (प्रसूति कक्ष निर्माण कार्य, सिमाराक्मा हेल्थ पोस्ट जाजरकोट)
– श्री फ्राइन्डस् कन्स्ट्रक्सन प्रालि कोटश्वर –३५, काठमाडौं (स्वास्थ्य चौकी भवन निर्माण कार्य मजकोट, बडकुले, जाजरकोट)
– श्री फ्राइन्डस् कन्स्ट्रक्सन प्रालि कोटश्वर–३५, काठमाडौं (काफलकोट स्वास्थ्य चौकी भवन निर्माण कार्य, सुर्खेत)
– श्री फ्राइन्डस् कन्स्ट्रक्सन प्रालि कोटश्वर–३५, काठमाडौं (प्राथमिक स्वास्थ्य केन्द्र भवन निर्माण कार्य, सुर्खेत)
– श्री बन्दन भगवती/मजदुर जेभी, सुर्खेत (मटेला स्वास्थ्य चौकी भवन निर्माण कार्य, सुर्खेत)
– श्री फ्राइन्डस् कन्स्ट्रक्सन प्रालि कोटश्वर–३५, काठमाडौं (विइओसी भवन निर्माण कार्य जाजरकोट अस्पताल, जाजरकोट)
– श्री लोहनी एन्ड ब्रदर्श/एमपी कन्सट्रक्सन जेभी, नौबस्ता–८ बाँके (स्वास्थ्य चौकी भवन निर्माण कार्य, घरंगा, जाजरकोट)
– श्री गजुरमुखी निर्माण कम्पनी प्रालि, काठमाडौं (स्वास्थ्य चौकी भवन निर्माण कार्य धेनकोट, मुगु)
– श्री एटलस/थोदुंङ/खड्का कृष्ण जेभी, काठमाडौं (स्वास्थ्य चौकी भवन निर्माण कार्य, वनठाँडा लावन, डोल्पा)
– श्री थोदुङ्ग कन्सट्रक्सन प्रालि अनामगर, काठमाडौं (साल्दाङ्ग स्वास्थ्य संस्थामा स्वास्थ्य चौकीको भवन निर्माण कार्य डोल्पा)
– अञ्जना निर्माण सेवा कम्पनी प्रालि, पुतलीसडक, काठमाडौं (छाप्रे स्वास्थ्य संस्थामा स्वास्थ्य चौकीको भवन निर्माण कार्य कालिकोट)
– कुशेश्वर/ब्रम्हायणी जेभी चाबहिल, काठमाडौं (राम्नाकोट स्वास्थ्य चौकीको भवन निर्माण कार्य कालिकोट)
– अञ्जना निर्माण सेवा कम्पनी प्रालि पुतलीसडक, काठमाडौं (रकु स्वास्थ्य चौकीको भवन निर्माण कार्य, कालिकोट)
– सिद्धि साई/द क्याराभान जेभी, काठमाडौं (भिजेर स्वास्थ्य चौकीको भवन निर्माण कार्य डोल्पा)
– गाल्वा/खड्का कृष्ण जेभी, काठमाडौं (पिना हेल्थ पोस्ट भवन निर्माण कार्य, मुगु)
– गाल्वा/खड्का कृष्ण जेभी, काठमाडौं (तिन्जे स्वास्थ्य चौकी भवन निर्माण कार्य डोल्पा)
– धर्मेन्द्र/नान्जिला एन्ड आकांक्षा जेभी, सुर्खेत (पांखा स्वास्थ्य चौकी भवन निर्माण कार्य कालिकोट)
– कुशेश्वर/निसान जेभी, काठमाडौं (जिल्ला जनस्वास्थ्य कार्यालय भवन निर्माण कार्य, हुम्ला)
– नव निर्माण एन्ड कन्सल्टेन्सी सेवा प्रालि, ललितपुर (फोइमहादेव हेल्थ पोस्ट भवन निर्माण कार्य, कालिकोट)
