विश्व स्वास्थ्य

कोरोना भाइरसबाट चीनमा एकैदिन २४२ को मृत्यु, संक्रमितको संख्या ६० हजार पुग्यो

एजेन्सी– कोरोना भाइरसका कारण चीनको हुबेइमा बुधबार एकैदिन २४२ जनाको मृत्यु भएको छ। एकैदिन यतिधेरै संक्रमितको मृत्यु भएको यो पहिलोपटक हो। योसँगै कोरोनाका कारण मृत्यु हुनेको संख्या १३५० पुगेको छ।

यसैगरी १४ हजार ८ सय ४० जना नयाँ संक्रमित देखिएका छन्। हुबेइको स्वास्थ्य निकायले बृहत तरिकाले संक्रमित पहिचान गरेसँगै संक्रमितको संख्या पनि उच्च तरिकाले बढेको हो। योसँगै संक्रमितको संख्या ६० हजार पुगेको छ।
यसअघि चीनको राष्ट्रिय स्वास्थ्य आयोगले मंगलबार अपडेट जारी गर्दै २ हजार १५ जनामा संक्रमण देखिएको र यो २ साताकै न्युन भएको जनाएको थियो। 

यसैबीच, विश्व स्वास्थ्य संगठनले कोरोनाको महामारी अन्त्य हुन्छ भनेर घोषणा गर्नु चाँडो हुने जनाएको छ। ‘महामारी अझै जहाँ पनि सर्न सक्छ,’ डब्लुएचओका महानिर्देशक टेडरोस घेब्रेयेससले भने। 

प्राप्त प्रतिकृयाहरू

यसमा तपाइको मत

प्रतिकृया दिनुहोस

swasthyakhabar

पढ्नै पर्ने