काठमाडौं- विगत २४ घण्टायता नेपालमा थप ४५१ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ। पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा ३५ जना महिला र ४ सय १६ जना पुरुष छन्।
प्रादेशिक जनस्वास्थ्य प्रयोगशालामा विराटनगरमा मोरङका १, जना नारायणी अस्पतालको प्रयोगशालामा पर्साका १० जना र रौतहटका १ जनामा कोरोना संक्रमण पाइएको छ।
प्रादेशिक जनस्वास्थ्य प्रयोगशालामा पोखरामा गरिएको परीक्षणमा तनहुँका ५ जना, सेती अस्तपालको प्रयोगशालामा अछामका ३ जना, कैलालीका २ जना र डोटीका ४ जनामा कोरोना संक्रमण देखिएको छ।
यस्तै भेरी अस्पतालको प्रयोगशालामा बाँकेका ५, बर्दियाका १६ र प्यूठानका ३ जनामा कोरोना संक्रमण पाइएको हो।
यस्तै कर्णाली स्वास्थ्य विज्ञान प्रतिष्ठानमा गरिएको परीक्षणमा दैलेखका ५ जनामा पनि संक्रमण पाइएको छ। यस्तै प्रादेशिक जनस्वास्थ्य प्रयोगशाला जनकपुरमा गरिएको परीक्षणमा महोत्तरीका २० र धनुषाका ४ जनामा संक्रमण पाइएको छ। भरतपुर अस्पतालको प्रयोगशालामा नुवाकोटका ३ जना, अर्घाखाँचीका ३ जना र चितवनका १ जनामा पनि कोरोना संक्रमण पाइएको छ।
प्रादेशिक जनस्वास्थ्य प्रयोगशाला रुपन्देहीको प्रयोगशालामा गुल्मीका दुई र रुपन्देहीका ५ जनामा संक्रमण पुष्टि भएको छ।
कोशी अस्तपालको प्रयोगशालामा सुनसरीका ३ जना, मोरङका २१ जना र झपाका १ जनामा समेत कोरोना भएको पाइएको छ।
प्रादेशिक प्रयोगशालामा सुर्खेतमा गरिएको परीक्षणमा दैलेखका ८८ जना र सुर्खेतका १९ जनामा पनि संक्रमण पुष्टि भएको छ।
यस्तै धुलिखेल अस्पतालको प्रयोगशालामा रोल्पाका ५ र काठमाडौंका १ जनामा पनि कोरोना संक्रमण पाइएको छ।
राप्ती स्वास्थ्य विज्ञान प्रतिष्ठानमा ४३ जना, त्रिवि शिक्षण अस्तपाल महाराजगञ्जमा कैलालीका १ जनामा पनि कोरोना संक्रमण पाइएको छ।
हेटौडाको प्रयोगशालामा रौतहटका २५ जना, टेकु अस्पतालमा धादिङका ९ र काठमाडौंका १ जनाको समेत कोरोना पोजेटिभ रिपोर्ट आएको छ।
यस्तै पाटन अस्पताल प्रयोगशालमा ललितपुरका १ जना र काठमाडौंका २ जना छन्। राष्ट्रिय जनस्वास्थ्य प्रयोगशाला टेकुमा बाराका १, गुल्मीका ७, कपिलवस्तुका १, महोत्तरीका १०, पाल्पाका १०, रौतहटका ७६ जना, सर्लाहीका २३, सिराहाका ४, रुपन्देहीका ७ जनामा समेत यसको संक्रमण पाइएको छैन।
हालसम्म १ हजार ४१ जना भने संक्रमण मुक्त भएका छन्। तर १९ जना भने कोरोना संक्रमणबाट मृत्यु भएको मन्त्रालयले जानकारी दिएको छ।
