काठमाडौं- नेपाल चिकित्सक संघका चार पूर्व अध्यक्ष नेपाली कांग्रेसको १४औं महाधिवेश प्रतिनिधि चुनिएका छन्। जिल्लामा भएको निर्वाचनमा संघका पूर्व अध्यक्षहरु डा चोपलाल भुसाल, डा केदार नरसिंह केसी, डा अञ्जनीकुरमा झा र डा मुक्तिराम श्रेष्ठ निर्वाचित भएका हुन्।
कांग्रेसको मंसिर २४ देखि २६ गतेसम्म काठमाडौंमा हुने महाधिवेशनका लागि उनीहरु आ-आफ्नो जिल्लाबाट प्रतिनिधि निर्वाचित भएका हुन्। डा भुसाल र डा श्रेष्ठ अर्घाखाँची, डा केसी नुवाकोट र डा झा धनुषा जिल्लाबाट महाधिवेशन प्रतिनिधि निर्वाचित भएका हुन्।
डा झा निर्विरोध निर्वाचित भएका हुन्।
