काठमाडौं- स्वास्थ्य तथा जनसंख्या मन्त्रालयको प्रशासन महाशाखा प्रमुख शैलजा रेग्मीको सरुवा भएको छ। उनको सरुवा राष्ट्रिय महिला आयोगमा भएको हो।
रेग्मीको सरुवासँगै स्वास्थ्य मन्त्रालयमा सहसचिव मदन भुजेल आएका छन्। प्राकृतिक स्रोत तथा वित्त आयोगबाट उनलाई स्वास्थ्यमा ल्याइएको हो।
उनीहरुको सरुवा मंसिर २८ गते नै भएको हो। तर पत्र भने आज शुक्रबार पाएका छन्।
मन्त्रालयका एक कर्मचारीका अनुसार मन्त्रालयमा उपसचिव भवनाथ खतिवडा, प्रेम महर्जन र खिमा लङ्गा पनि सरुवा भएर आएका छन्।
