काठमाडौ- उपत्यकामा कोरोना संक्रमण ह्वात्तै बढेको छ। काठमाडौं उपत्यकामा पछिल्लो २४ घण्टामा २६०७ संक्रमित थपिएका छन्। स्वास्थ्य तथा जनसंख्या मन्त्रालयका अनुसार काठमाडौंमा १९१३, भक्तपुरमा ३१७ र ललितपुरमा ३७७ संक्रमित थपिएका छन्।
देशभर कोरोनाका सक्रिय संक्रमित १८ हजार २३५ जना रहेका छन्। काठमाडौं उपत्यकामा मात्रै १० हजार ८११ सक्रिय संक्रमित छन्। जसमध्ये काठमाडौंमा ७६२५, ललितपुरमा १९३५ र भक्तपुरमा १२५१ सक्रिय संक्रमित छन्। नेपालमा पछिल्लो २४ घण्टामा ५ हजार ८७ जना कोरोना संक्रमित थपिएका छन्।
देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख ४५ हजार ५०१ जना र एन्टिजेन विधिबाट भएको परीक्षणमा १ लाख १०८ जना पुगेको छ। संक्रमितमध्ये हालसम्म ८ लाख १५ हजार ६५३ जना निको भएका छन्। यस्तै हालसम्म कुल ११ हजार ६१३ जनाको मृत्यु भएको छ।
