काठमाडौं- नेपालमा कोरोना संक्रमित फेरि बढ्न थालेका छन्। केही दिनदेखि घटेको कोरोना संक्रमण फेरि बढेको हो।
आइतबार र सोमबारको तुलनामा मंगलबार संक्रमित बढेका हुन्। सोमबार देशभर ३८८ संक्रमित थपिएकामा मंगलबार ४७६ जना थपिएका छन्। आइतबार २६२ जनामा संक्रमण भएको थियो।
काठमाडौं उपत्यकामा पनि संक्रमित घट्दै गइरहेकामा मंगलबार फेरि बढेका छन्। काठमाडौंमा पीसीआर परीक्षणबाट पत्ता लागेका १०१ संक्रमित थपिएका छन्। त्यस्तै भक्तपुरमा १५ तथा ललितपुरमा १० जना थपिएका छन्।
सोमबार ४ जनाको मृत्यु भएकाेमा मंगलबार ३ जनाले ज्यान गुमाएका छन्। आइतबार पनि चार जनाको मृत्यु भएको थियो। हाल सक्रिय संक्रमितको संख्या १० हजार ७ सय ४७ रहेको छ।
