काठमाडौं- नेपालमा केहि दिनयता कोरोना संक्रमण घट्दै गएको छ। हाल देशभर १० हजार ९० जना कोरोनाका सक्रिय संक्रमित छन्। स्वास्थ्य तथा जनसंख्या मन्त्रालयका अनुसार तिमध्ये होमआइसोलेसनमा नौ हजार ७९३ रहेका छन्। त्यसैगरी संस्थागत आइसोलेसनमा ३२७, आइसियुमा १०५ र भेन्टिलेटरमा १९ जनाले उपचार गराइरहेका छन्।
पछिल्लो २४ घन्टामा तीन सय १२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार आठ हजार ६ सय ९३ जनामा गरिएको परीक्षणमा उक्त संक्रमण पुष्टि भएको हो। सोही अवधिमा नौ सय ११ जना कोरोनामुक्त भएका छन् भने दुईजनाको मृत्यु भएको छ।
