काठमाडौं- भन्सारी छलेर नेपाल ल्याइएका मेडिकल सामग्रीसहितको ट्रक प्रहरीले नियमन्त्रणमा लिएको छ। प्रज्ञापन पत्रबिनाको मेडिकल सामग्री तथा खुद्रा मालबस्तुहरू लोड गरी वीरगञ्जबाट काठमाडौं ल्याउँदै गरेको अवस्थामा प्रहरीले नियन्त्रणमा लिएको हो।
प्रहरीले शनिबार राती साढे ८ बजे वीरगन्ज महानगरपालिका-१४ गण्डक सडकखण्डमा प्रदेश १- ०२/२००१ ख ९२५२ नम्बरको ट्रक रोकी जाँच गर्ने क्रममा भन्सार छलेर ल्याइएको एक करोड ६० लाख रुपैयाँ बराबरको मेडिक सामग्री तथा खुद्रा सामान बरामद गरेको हो। प्रहरीले उक्त सामग्रीका विषयमा आवश्यक कारबाही अगाडि बढाउन राजश्व अनुसन्धान कार्यालय पथलैयामा बुझाएको प्रहरी नायब उपरीक्षक ओमप्रकाश खनालले जानकारी दिए।
