काठमाडौं- शिक्षा मन्त्रालयले विद्यालयहरूमा पनि शनिबार र आइतबार बिदा दिने निर्णय गरेको छ। जेठ १ गतेदेखि लागू हुनेगरी बुधबार सो निर्णय गरेको मन्त्रालयका प्रवक्ता दीपक शर्माले जानकारी दिए।
हिउँदे बिदा, वर्षे बिदा र पर्व बिदा कटौती गरी शनिबार र आइतबार बिदा दिने मन्त्रिस्तरीय निर्णय भएको हो। प्रवक्ता शर्माका अनुसार हप्ताको दुई दिन बिदा दिने निर्णयसँगै शुक्रबार भने पूरा दिन पढाउने निर्णय गरेको हो।
