काठमाडौं- मेडिकल काउन्सिलको प्रशासकीय अधिकृत पदबाट राजीनामा दिएर चुनावी मैदानमा उत्रेकी अनिता लामाले बुढानिलकण्ठ नगरपालिकाको उपप्रमुखमा अग्रता लिएकी छिन्।
नेकपा एमालेबाट उपप्रमुखमा उम्मेदवार बनेकी लामाले अहिलेसम्म ५ हजार २ सय ४२ मत ल्याएकी छिन्। उनकी निकटतम प्रतिस्पर्धी कांग्रेसकी रमिला वाग्लेको ५ हजार ५२ मत आएको छ।
लामो समयदेखि मेडिकल काउन्सिलमा कार्यरत लामाले काउन्सिलबाट ९ गते राजीनामा दिएकी थिइन्।
नगरपालिकाको प्रमुखमा एमालेका मिठाराम अधिकारीको अग्रता रहेको छ। अधिकारीले ४ हजार ७३८ मत ल्याएका छन्। यस्तै कांग्रेसका उम्मेदवार विनोद चालिसेले ४ हजार ५ सय ८७ मत ल्याएका छन्।
