काठमाडौं - नेपालमा कोरोनाको सक्रिय संक्रमित दैनिक बढ्दै गएको छ। हाल देशभर सक्रिय संक्रमितको संख्या २ हजार ९७१ पुगेको छ। यसअघि शुक्रबार सक्रिय संक्रमितको संख्या २ हजार ८४१ थियो।
साउन १ गते सक्रिय संक्रमितको संख्या १ हजार ४३९ थियो। साउन २ गते १ हजार ७७६, साउन ३ गते १ हजार ९८२, साउन ४ गते २ हजार २७६, साउन ५ गते २ हजार ५३७ र साउन ६ गते २ हजार ८४१ थियो।
गत २४ घण्टामा २ हजार ९९६ जनाको परीक्षण गर्दा ३३५ जनामा संक्रमण पुष्टि भएको छ। हाल कोरोना संक्रमणदर ११ दशमलव १८ प्रतिशत पुगेको छ।
