काठमाडौं - पछिल्लो २४ घण्टामा २९९ जना कोरोना संक्रमित थपिएका छन्। देशभर गरिएको १ हजार ६७० पीसीआर र २ हजार ६६७ जनाको एन्टीजेन परीक्षणका क्रममा २९९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
गत २४ घण्टामा ५७७ जना संक्रमित निको भएका छन्। यो सँगै देशभर निको हुनेको संख्या ९ लाख ७८ हजार ४२२ पुगेको छ। उक्त अवधिमा दुई जनाको मृत्यु भएको छ। यो सँगै मृत्यु हुनेको संख्या ११ हजार ९९२क पुगेको स्वास्थ्य मन्त्रालयले जनाएको छ। देशभर हाल ४ हजार ६२५ जना सक्रिय संक्रमित छन्।
