काठमाडौं- चार स्वास्थ्य विज्ञान प्रतिष्ठानका लागि उपकुलपति नियुक्त भएका छन्। कुलपति तथा प्रधानमन्त्री केपी शर्मा ओलीले नियुक्त गरेका हुन्।
प्रधानमन्त्री कार्यालय स्राेतका अनुसार पाेखराका उपकुलपति डा भरत खत्रीले नियुक्ति पत्र बुझेका छन्, अन्य तीन जनालाई बुधबार बिहान बाेलाइएकाे छ।
विपी कोइराला स्वास्थ्य विज्ञान प्रतिष्ठान, धरानका लागि प्राडा विक्रम प्रसाद श्रेष्ठले बाजी परेका छन्।
पाटन स्वास्थ्य विज्ञानको लागि प्राडा बुद्धि पौडेल नियुक्त भएका छन्।
पोखरा स्वास्थ्य विज्ञान प्रतिष्ठानको लागि प्राडा भरत बहादुर खत्रीले पत्र पाएका छन्।
कर्णाली स्वास्थ्य विज्ञान प्रतिष्ठानको लागि डा पुजन कुमार रोकाया नियुक्त भएका छन्।
सरकारले स्वास्थ्यमन्त्री पौडेलको संयोजत्वमा असार ४ गते सर्च कमिटी गठन गरेको थियो । उक्त कमिटीको अन्य सदस्यहरुमा स्वास्थ्य तथा जनसंख्या मन्त्रालयका सचिव डा विकास देवकोटा र राष्ट्रिय योजना आयोगका सदस्य डा आरपी बिच्छा सदस्य थिए।
