काठमाडौं- नेशनल प्याथ ल्याब दोस्रो संस्करणको नेपाल प्रिमियर लिग (एनपीएल) मा सुदूरपश्चिम रोयल्सको 'मेडिकल' पार्टनर बनेको छ।
सुदूरपश्चिम रोयल्स र नेशनल प्याथ ल्याबबीच शुक्रवार काठमाडौँमा सम्झौता भएको हो। सम्झौतापत्रमा सुदूरपश्चिम रोयल्सका प्रमुख कार्यकारी अधिकृत (सीईओ) प्रकाश खड्का र नेशनल प्याथ ल्याबका प्रबन्ध सञ्चालक पवन जोशीले हस्ताक्षर गरे।
सम्झौतापछि बोल्दै सुदूरपश्चिम रोयल्सका सीईओ प्रकाश खड्काले नेपालकै प्रतिष्ठित ल्याबसँग साझेदारी गर्न पाउदा खुशी भएको बताए।
‘नेशनल प्याथ ल्याबसँग सम्झौता गर्न पाउँदा धेरै खुशी छौं,' खड्काले भने, 'यो सम्झौताले नेपालको स्वास्थ्य क्षेत्रमा सकारात्मक सन्देश मिल्नेछ।'
नेशनल प्याथ ल्याबका प्रबन्ध संचालक पवन जोशीलेले यो साझेदारीलाई स्वास्थ्य क्षेत्रका लागि सुखद पक्ष भएको बताए ।
जोशीले भने, 'नेशनल प्याथ ल्याब सुदूरपश्चिम रोयल्ससँग जोडिन पाउँदा हामीलाई खुसी लागेको छ । यो साझेदारीले स्वास्थ्यको क्षेत्रमा राम्रो सफलता मिल्नेछ। ल्याबको तर्फबाट टिमलाई उत्कृष्ट प्रदर्शनको लागि शुभकामना।' नेशनल प्याथ ल्याबको बारे नेशनल प्याथ ल्याब राष्ट्रिय जनस्वास्थ्य प्रयोगशालाबाट 'क' वर्गको मान्यताप्राप्त अत्याधुनिक र सुविधासम्पन्न ल्याब (प्रयोगशाला) हो । यहाँ क्यान्सर, हर्मोन, मुटु, मृगौला, कलेजो, बाँझोपन, हाडर्जीनी तथा प्रिभेन्टिभ हेल्थ चेकअप प्याकेजेज लगायत आठ सय भन्दा बढि प्रकारका जाँच हुने गर्दछन्।
नेशनल प्याथ ल्याबले अत्याधुनिक स्वचालित उपकरण, अन्तर्राष्ट्रिय मापदण्ड (150 15189:2022 ) अनुसारका प्रक्रिया, अनुभवी विशेषज्ञ चिकित्सक तथा अनुभवी प्रयोगशालाकर्मी मार्फत विश्वसनीय, छिटो र गुणस्तरीय सेवा प्रदान गर्दै आएको छ।
जिनेटिक्स अन्तर्गत वंशानुगत रोग पहिचान, वंशानुगत क्यान्सर प्यानल, साइटोजेनेटिक्स अन्तर्गत क्यारियोटाइपिङ, प्रिनेटल पोस्टमेटल क्रोमोसमल स्टडी, मोलिक्युलर डायग्नोस्टिक्स अन्तर्गत पीसीआर, आरटी- पीसीआर, नेक्स्ट जेनेरेशन सिक्वेन्सिङमा आधारित क्यान्सर प्यानल, इनहेरिटेड डिजिज प्यानल, एनआईपीटी मल्टीजिन प्यानल जाँचका साथै न्यूबर्न स्क्रिनिङ अन्तर्गत नवजातमा हुने मेटाबोलिक तथा जेनेटिक रोगहरूको प्रारम्भिक पहिचान तथा अन्य सेवाहरु प्रदान गर्दछ।
सुदूरपश्चिले पहिलो खेल काठमाडौंमा गोर्खाजसँग बुधबार ४ बजे खेल्दैछ। सुदूरपश्चिम रोयल्समा दिपेन्द्र सिंह ऐरी, आरिफ शेख, बिनोद भण्डारी, अविनाश बोहरा, दिपक बोहरा, मिलन बोहरा, हेमन्त धामी, इशान पाण्डे, टेक रावत, नरेन साउद, दिपेन्द्र थापा, स्कट कुग्गेलिजन, क्रिस लिन हर्मीत सिंह र जोस ब्राउन रहेका छन् भने मुख्य प्रशिक्षक जगत टमटा रहेका छन्।
