काठमाडौं- नेपाल चिकित्सक संघले चितवनको माडीस्थित बघौडा अस्पतालमा चिकित्सक तथा स्वास्थ्यकर्मी माथि भएको आक्रमण र दुर्व्यवहारप्रति ध्यानाकर्षण भएको जनाएको छ।
संघले प्रेस विज्ञप्ति जारी गरी अस्पताल जस्तो संवेदनशील क्षेत्रमा चिकित्सक तथा स्वास्थ्यकर्मी माथि भएको दुर्व्यवहारप्रति ध्यानाकर्षण भएको जनाएको हो।
यही मंसिर ११ गते बघौडा अस्पतालमा मादक पदार्थको सेवन गरेका केही युवाहरुले चिकित्सक तथा स्वास्थ्यकर्मी माथि आक्रमण गर्नुका साथै गाली गलौज समेत गरेका थिए। स्वास्थ्य संस्थाहरमा हुने गरेका यस किसिमको घटनाल पेशागत सुरक्षामा आँच आउनुका साथै स्वास्थ्य सवा प्रवाहमा असर पुग्ने संघले जनाएको छ।
संघले दोषिहरुलाई स्वास्थ्यकर्मी तथा स्वास्थ्य संस्थाको सुरक्षा सम्बन्धी ऐन २०६६ बमोजिम कडा कारबाही गर्न संघले माग गरेको छ। साथै भयरहित वातावरणमा काम गर्ने व्यवस्था मिलाउन पनि संघले प्रहरी र सम्बन्धित निकायसँग माग गरेको छ।
