कोहलपुर- नेपालगञ्ज मेडिकल कलेज टिचिङ हस्पिटल अन्तर्गत कोहलपुरमा बिरामी सुरक्षा (प्यासेन्ट सेफ्टी ) सम्बन्धी अभिमुखीकरण तथा अन्तरक्रिया कार्यक्रम सफलतापूर्वक सम्पन्न भएको हो।
कार्यक्रमको अध्यक्षता मेडिकल डाइरेक्टर (मेडिकल निर्देशक) प्रा. डा. रेशम बहादुर रानाले गरेका थिए भने सञ्चालन प्रशासन प्रमुख (एडमिनिस्ट्रेशन चिफ) सञ्जय कुमार पन्तले गरेका थिए।
कार्यक्रममा नेपाल मेडिकल काउन्सिल ( नेपाल मेडिकल काउन्सिल) का सदस्यहरू डा. अजय कुमार शाह, डा. सम्राट पराजुली, डा. प्रतीक श्रेष्ठ तथा डा. विवेक कुमार महतो लगायतले बिरामी सुरक्षा, स्वास्थ्य सेवाको गुणस्तर अभिवृद्धि, संक्रमण नियन्त्रण (इन्फेक्सन कन्ट्रोल) तथा स्वास्थ्यकर्मीको व्यावसायिक उत्तरदायित्वका विषयमा आ–आफ्ना धारणा राखेका थिए।
उक्त कार्यक्रममा अस्पतालका चिकित्सक, पीजी रेजिडेन्ट (पोस्ट ग्र्याजुएट रेजिडेन्ट), इन्टर्न चिकित्सक (इन्टर्न डाक्टर्स) तथा अन्य स्वास्थ्यकर्मीहरूको उल्लेखनीय सहभागिता रहेको थियो। सहभागीहरूले बिरामीलाई सुरक्षित, गुणस्तरीय र प्रभावकारी स्वास्थ्य सेवा प्रदान गर्न 'प्यासेन्ट सेफ्टी' सम्बन्धी मापदण्डहरूको प्रभावकारी कार्यान्वयनमा जोड दिएका थिए।
अस्पताल प्रशासनले बिरामी सुरक्षालाई उच्च प्राथमिकतामा राख्दै यस्ता सचेतनामूलक तथा अभिमुखीकरण कार्यक्रमहरू आगामी दिनमा समेत निरन्तर रूपमा सञ्चालन गरिने जनाएको छ।
