बुटवल — टेकोसी नदीमा आएको विनाशकारी बाढीबाट प्रभावित नागरिकको राहत तथा पुनर्स्थापनाका लागि बुटवलस्थित गौतम बुद्ध सामुदायिक मुटु अस्पतालले ११ लाख ११ हजार १११ रुपैयाँ आर्थिक सहयोग गरेको छ।
अस्पतालले प्रधानमन्त्री दैवी प्रकोप उद्धार कोषमा उक्त रकम जम्मा गरेको हो। सहयोगमा अस्पतालमा कार्यरत चिकित्सक, स्वास्थ्यकर्मी तथा अन्य कर्मचारीको एक दिनको तलबबाट ४ लाख ४८ हजार १२५ रुपैयाँ र अस्पतालको तर्फबाट ६ लाख ६२ हजार ९८३ रुपैयाँ रहेको छ।
अस्पताल सञ्चालक समितिको मंगलबार बसेको बैठकले बाढीबाट रसुवा, नुवाकोट, धादिङ, गोरखा, तनहुँ, चितवनलगायत जिल्लामा ठूलो मानवीय तथा भौतिक क्षति भइरहेको भन्दै राहत तथा पुनर्स्थापना कार्यमा सहयोग गर्ने निर्णय गरेको थियो।
अस्पतालका अध्यक्ष एजाज आलमले विपद्बाट प्रभावित नागरिकलाई राहत उपलब्ध गराउन सामाजिक उत्तरदायित्वअन्तर्गत सहयोग गरिएको बताए।
उनका अनुसार अस्पताल परिवारबाट प्राप्त सहयोगलाई प्रधानमन्त्री दैवी प्रकोप उद्धार कोषमार्फत बाढी प्रभावित क्षेत्रमा राहत तथा पुनर्स्थापनाका लागि उपयोग गरिनेछ।
