काठमाडौं - स्त्री रोग तथा प्रसूति विशेषज्ञ समाज (नेसोग) ले वरिष्ठ स्त्री तथा प्रसूति रोग विशेषज्ञहरु डा भोला रिजाल र डा यमुना सुवाललाई सम्मान गरेको छ।
नेसोगले वार्षिक साधारण सभाको अवसरमा डा रिजाल र डा सुवाललाई लाइफ टाइम एचिभमेन्ट अवार्डबाट सम्मान गरेको हो।
वर्तमान अध्यक्ष डा हिरा तुलाधरले आगामी कार्यकालका लागि डा गणेश दंगाललाई नेसोगको जिमेवारी हस्तान्तरण गरेको छिन्।
नेसोगले कोभिड महामारीमा मातृ तथा शिशु स्वास्थ्य कायम राख्ने चुनौती विषयमा दुई दिने भर्चुअल अन्तर्राष्ट्रिय सम्मेलन सम्पन्न समेत गरेको छ। सम्मेलनमा ८० वटा वैज्ञानिक सोधपत्र र १२ वटा पोस्टरहरु प्रस्तुत गरिएको थियो।
