काठमाडौं- पछिल्लो २४ घण्टामा ५ जना कोरोना संक्रमितको मृत्यु भएको छ।
योसँगै नेपालमा मृत्यु हुनेको संख्या ३ हजार ११७ पुगेको छ। स्वास्थ्य तथा जनसंख्या मन्त्रालयका अनुसार आज नेपालमा २ हजार ४२८ जनामा कोरोना संक्रमण पुष्टि भएको छ।
पछिल्लो २४ घण्टामा २५२ जना संक्रमित निको भई डिस्चार्ज भएका छन्। हालसम्म २ लाख ७६ हजार ३४५ जना संक्रमित निको भइसकेका छन्।
आज देशभर १२ हजार ६९० जना सक्रिय संक्रमित रहेको स्वास्थ्य मन्त्रालयले जनाएको छ। त्यसैगरि, ८१ जना क्वारेन्टाइनमा रहेका छन्।
