काठमाडौं - कोरोनाबाट मृत्यु हुनेमा ६० वर्ष माथिका व्यक्तिहरु सबैभन्दा धेरै रहेको पाइएको छ। कुल मृतक संख्यामध्ये २ हजार ५ सय ५६ जना मात्र ६० वर्ष माथिका रहेको स्वास्थ्य तथा जनसंख्या मन्त्रालयले जनाएको छ।
नेपालमा हाल कोरोना संक्रमित मृतककोे संख्या ४ हजार ४ सय ६६ पुगेको छ। गत २४ घण्टामा मात्र २१४ जना संक्रमितले ज्यान गुमाएका छन्।
सबैभन्दा धेरै ज्यान गुमाउनेको दोस्रो सूचीमा ५० देखि ५९ वर्ष उमेरका व्यक्ति छन्। उनीहरुको संख्या मात्र ८०५ जना रहेको मन्त्रालयले जनाएको छ।
यस्तै, ४० देखि ४९ वर्षका ५८०, ३० देखि ३९ वर्षका ३४०, २० देखि २९ वर्षका १२९, १० देखि १९ वर्षका २८ र नौ वर्ष मुनिका २८ जनाको मृत्यु भएको मन्त्रालयको तथ्यांक छ।
