काठमाडौं - सुदर्शन स्मृति स्वास्थ्य पत्रकारिता पुरस्कार एपी वान टेलिभिजनकी स्वास्थ्य पत्रकार सुजिता पौडेललाई प्रदान गरिएको छ। प्रस्तावित सुदर्शन देवकोटा स्मृति प्रतिष्ठानले ३० हजार रुपैयाँ राशीको पुरस्कार पत्रकार पौडेललाई प्रदान गरिएको हो।
स्वास्थ्य पत्रकार मञ्च नेपालसंगको सहकार्यमा उक्त पुरस्कार स्थापना गरेको छ। मंगलबार राजधानीमा आयोजित कार्यक्रममा स्वर्गीय देवकोटाकी छोरी डा सुधा देवकोटाले उक्त पुरस्कार पत्रकार पौडेललाई हस्तान्तरण गरेकी छिन्।
डा देवकोटाले स्वर्गीय बुवाले पत्रकारितामा पु¥याएको योगदान र महत्वलाई सदैव जीवित राख्न उक्त पत्रकारिता पुरस्कारको स्थापना गरिएको बताइन्।
