काठमाडौं– ललितपुर क्षेत्र नम्बर ३ मा जारी मतगणनाको पछिल्लो परिणाम प्राप्त भएको छ। पछिल्लो मतपरिणामअनुसार उक्त क्षेत्रमा राष्ट्रिय स्वतन्त्र पार्टीकी उम्मेदवार डा तोसिमा कार्कीले आफ्नो अग्रता कायम राखेकी छन्।
डा तोसिमा कार्कीले ४ हजार ६५१ मत प्राप्त गरेकी छन्। तोसिमालाई नेकपा एमालेका उम्मेदवार अमृत खड्काले पछ्याइरहेका छन्। खड्काभन्दा डा कार्की ९१५ मतले अगाडि छिन्।
एमालेका खड्काले ३ हजार ७३६ मत ल्याएका छन्। सत्ता गठबन्धनबाट नेकपा माओवादी केन्द्रकी उम्मेदवार पम्फा भुसाले भने तेस्रोमा छिन्। उनले २ हजार ३६ मत प्राप्त गरेकी छन्।
