काठमाडौं– सिन्धुपाल्चोक–२ मा मोहन बस्नेतले फराकिलो अग्रता पारेका छन्। उनले निर्वतमान सांसद पूर्व स्वास्थ्यमन्त्री शेरबहादुर तामाङलाई एघार हजार भन्दा बढी मतले पछि पारेका छन्।
हालसम्म बस्नेतले २७ हजार २२३ मत पाएका छन् भने, तामाङले १६ हजार १७ प्राप्त गरेका छन्।
त्यस्तै, १ हजार ७४५ मत सहित राष्ट्रिय स्वतन्त्र पार्टीकी माया गुरुङ तेस्रो नम्बरमा छिन्।
२०७४ सालमा तामाङ उक्त क्षेत्रबाट निर्वाचित भएका थिए। तामाङ तेस्रो पटक जित्ने लक्ष्यसहित मैदानमा उत्रेका छन् भने बस्नेत क्षेत्र–१ छाडेर २ मा उम्मेदवार भएका हुन्।
