काठमाडौं- आज सुन्दरी प्रतियोगिता मिस अर्थको ग्राण्ड फिनाले हुँदैछ। नेपालको तर्फबाट मिस नेपाल अर्थ डा सरिसा श्रेष्ठले प्रतिस्पर्धा गर्दैछिन्। उक्त प्रतिस्पर्धा फिलिपिन्सको राजधानी मनिलामा भइरहेको छ। विभिन्न देशका ८६ जना सुन्दरीले उपाधिका लागि प्रतिस्पर्धा गर्दैछन्।
डा श्रेष्ठले किष्ट मेडिकल कलेजबाट एमबीबीएस अध्ययन गरेकी हुन्। उनी यसअघि मिस नेवा ११३८ को फस्ट रनरअप भएकी थिइन्। यसका साथै लिडरसिप क्याम्पेन सम्बन्धित मिस रोट्रयाक्ट २०१९ मा पनि सफल भएकी थिइन्।
