काठमाडौं– लमजुङमा डाक्टरमाथि कुटपिट भएको छ। कुटपिटको आरोपमा एक जनालाई प्रहरीले पक्राउ गरेको छ।
पक्राउ पर्नेमा ऋषि बस्नेत रहेको जिल्ला प्रहरी कार्यालय लमजुङका प्रहरी प्रमुख तथा डीएसपी मीनबहादुर घलेले जानकारी दिए।
उनका अनुसार मन्जुरीनामाको विषयमा विवाद हुँदा जिल्ला अस्पतालका डा सन्दीप अधिकारीमाथि कुटपिट भएको थियो।
‘बिरामीलाई बेड भर्ना गर्ने बेलामा मन्जुरीनामामा हस्ताक्षर गर्नुपर्ने थियो। तर बस्नेतले हस्ताक्षर गर्न नमानेपछि विवाद भयो र डाक्टरमाटि कुटपिट भएको पाइएको छ’ घलेले भने।
कुटपिट आरोपमा पक्राउ परेका बस्नेतमाथि जिल्ला अदालत लमजुङबाट म्याद लिएर प्रहरीले अनुसन्धान अघि बढाएको छ।
