भक्तपुर- भक्तपुरको पसालेमा पहिरोले टहरो पुरिंदा गर्भवतीसहित तीन जनाको मृत्यु भएको छ । सशस्त्र प्रहरी बलका अनुसार शनिबार बिहान साढे दश बजे अविरल वर्षाको कारण माथिबाट पहिरो खसेर टहरो बगाउँदा उनीहरूको मृत्यु भएको हो ।
मृत्यु हुनेमा कालिकोट स्थायी घर भएकी २४ वर्षीया दमिला शाही, ४ वर्षीया छोरी प्रिया बम, १४ वर्षीया मनिषा शाही छन् । दमिला गर्भवती अवस्थामा रहेको प्रहरीले जनाएको छ ।
जग्गा भाडामा लिइ टहरो बनाएर उनीहरु त्यहाँ बसिरहेका थिए।
