काठमाडौं- नेपाल प्रिमियर लिग (एनपीएल)को खेलमा चितवन राइनोजको खेल हुने दिन चितवन मेडिकल कलेजदेखि कीर्तिपुर खेल मैदानसम्म नि:शुल्क बस सेवा सञ्चालन गर्ने भएको छ।
चितवन राइनोजमा चितवन मेडिकल कलेजको लगानी रहेको छ। नि:शुल्क बस सेवा लिनका लागि खेलको टिकट भने काटेको हुनुपर्ने छ।
'खेल हुने दिनमा चितवन मेडिकल कलेजदेखि त्रिभुवन विश्वविद्यालयको क्रिकेट मैदान कीर्तिपुरसम्म र क्रिकेट मैदान कीर्तिपुरदेखि चितवन मेडिकल कलेजसम्म निःशुल्क दैनिक पाँच वटा बस व्यवस्था गरिएको छ,' चितवन राइनोजले सार्वजनिक सूचनामा भनेको छ।
चितवन राइनोजको खेल भोली सोमबार हुँदै छ। भोलीको खेलमा सहभागी हुन चितवनबाट २०० जना निशुल्क बसमा आउन लागेको छन्।
नि:शुल्क बस सेवासहित खाजाको पनि व्यवस्था गरिएको राइनोजले जनाएको छ।
