काठमाडौं- नेपाल फार्मेसी काउन्सिलले लिएको फार्मेसी एसिस्टेन्टको नाम दर्ता (लाइसेन्स) परीक्षामा ४३ दशमलव ७७ प्रतिशत विद्यार्थी उत्तीर्ण भएका छन्।
काउन्सिलले शनिबार साँझ सार्वजनिक गरेको परीक्षाको नतिजामा उत्तीर्णभन्दा अनुत्तीर्ण हुनेको प्रतिशत बढी पाइएको छ।
काउन्सिलका रजिष्ट्रार सञ्जीव पाण्डेयका अनुसार परीक्षामा एक हजार एक सय २४ जना विद्यार्थी सहभागी भएका थिए। सहभागीमध्ये जम्मा ४९२ जना मात्र उत्तीर्ण भएका छन्।
काउन्सिलले नतिजा सार्वजनिक गरे लगत्तै काउन्सिलको वेभसाइटमा केही प्राविधिक त्रुटि आएको रजिष्ट्रार पाण्डेयले जानकारी दिए। 'वेभसाइट केही प्राविधिक त्रुटि देखिएको छ। तर केही समयपछि सम्पूर्ण नतिजा वेभसाइटमा आउने छ,' उनले भने, 'हामीले हाम्रो आधिकारिक फेसबुक पेजमा भने नतिजा राखेका छौं।'
