वीरगञ्ज- वीरगञ्जस्थित नारायणी अस्पतालमा एक जना बिरामीको दुई वटै घुँडाको कृत्रिम जोर्नी प्रत्यारोपण (बाइ-ल्याटरल टोटल नी रिप्लेसमेन्ट क्षन सिंगल सेटअप)को सफल शल्यक्रिया गरिएको छ।
अस्पतालमा दुवै घुँडाको कृत्रिम जोर्नी प्रत्यारोपण शल्यक्रिया पहिलो पटक गरिएको हो।
लामो समयदेखि दुई वटै घुँडाको हड्डी खिइएर बिग्रिएको जोर्नी (बाइ-ल्याटरल ओस्टियोआर्थ्राइटिज अफ नी) समस्या भएका पर्साका एक ४९ वर्षीया महिलाको सफल शल्यक्रिया गरिएको हो।
पर्साको प्रसौनी निवासी ४९ वर्षीया महालको एकै पटकमा दुई वटै घुँडाको कृत्रिम जोर्नी प्रत्यारोपण बुधबार भएको हो।
अस्पतालका अर्थो विभागको विभागीय प्रमुख डा राजदेव प्रसाद कुश्वाहाको नेतृत्वमा डा सरोज सिंह, डा भोला बछार, डा रोशन अली, डा रामाशंकर गुप्ता, एनेस्थेसिया विभाग प्रमुख डा रामपुकार साह, डा अमित कुमार चौधरी, डा भाष्कर शाह, ओटी इन्चार्ज विश्वनाथ चौधरी, ओटीमा कार्यरत स्टाफ नर्स लगायत अन्य स्वास्थ्यकर्मीहरु सम्मिलित टोलीले प्रत्यारोपण गरेका हुन्।
प्रत्यारोपण शल्यक्रियाका लागि २ घन्टा ४५ मिनेट समय लागेको अस्पतालका प्रमुख मेडिकल सुपरिटेन्डेन्ट डा चुमनलाल दासद्वारा जारी विज्ञप्तिमा उल्लेख छ।
