काठमाडौं- काठमाडौं क्यान्सर सेन्टरले दोस्रो मिनिङ्गफुल अपडेट आयोजना गरेको छ। सेन्टरले २५ मेमा कुपन्डोलस्थित होटल हिमालयमा उक्त कार्यक्रमको आयोजना गरेको हो। उक्त कार्यक्रममा यस वर्षको विषयवस्तु प्रीसिजन इन ट्रीट्मेन्ट तथा टार्गेटिङ लिभर क्यान्सर्स इफेक्टिभली रहेको थियो। ग्यास्ट्रोएन्टेरोलजी, इन्टर्भेन्सन रेडियोलोजी, प्याथोलोजी लगायत विभिन्न क्षेत्रका विज्ञहरुको कार्यक्रममा सहभागिता रहेको थियो।
कार्यक्रममा प्रस्तोताका रुपमा डा अनन्त श्रेष्ठ, डा मुकुन्दराज जोशी, डा अजित थापा, डा सुभाष पण्डित, डा दीप लामिछाने, डा रमेश सिंह भण्डारी, डा सञ्जय पौडेल, डा सुन्दर सुवाल, डा राकेश पाठक, डा विशाल पौडेल, रमिला शिल्पकार थिए। कार्यक्रमको मुख्य आकर्षणका रुपमा युनिभर्सिटी अफ साइन्स मलेसियाका डा गोकुला कुमार रहेका थिए।
काठमाडौं क्यान्सर सेन्टरका अध्यक्ष डा. सिमित सापकोटाले गत वर्षको कार्यक्रमको प्रभावबारे प्रकाश पार्दै सहभागीहरुलाई धन्यवाद ज्ञापन गरेका थिए।
