काठमाडौं- नयाँ बानेश्वरको कृष्ण टावरस्थित एएसजी आई केयरले टी-२० वर्ल्ड कपका अवसरमा क्रिकेट खेलाडीका परिवार र क्रिकेट प्रशंसकलाई उपचार सेवामा विशेष प्याकेजको घोषणा गरेको छ।
एएसजी आई केयरले खेलाडीका परिवारलाई २५ हजार बराबरको आँखा उपचार तथा शल्यक्रिया निशुल्क दिने घोषणा गरेको छ।
'देशको गौरब बढाउन सफल हाम्रा टी-२० वर्ल्ड कप २०२४ का खेलाडीहरुको हौसला र प्रोत्साहनका लागि प्रत्येक खेलाडीको परिवारलाई २५ हजार रुपैयाँ बराबरको आँखा उपचार तथा शल्यक्रिया निःशुल्क दिने एएसजी आई केयर घोषणा गर्दछ,' एएसजीद्वारा जारी विज्ञप्तिमा भनिएको छ।
यस्तै वर्ल्ड कप अवधिभरमा नेपाली क्रिकेट प्रशंसकहरुको आँखा उपचारका लागि राष्ट्रिय क्रिकेट टिमको जर्सी लगाएर उपचारका लागि आउनेलाई ओपीडी निशुल्क दिने घोषणा पनि गरेको छ।
वर्ल्ड कप खेल अवधिभरमा नेपाली क्रिकेट प्रशंसकहरु आँखा उपचारका लागि नेपाल राष्ट्रिय क्रिकेट टीमको जर्सी लगाएर एएसजी आई केयरको रिसेप्सनमा पाल्नुभएमा उहाँहरुलाई निःशुल्क ओपीडी सेवा उपलब्ध गराइने व्यहोरा समेत सबैलाई जानकारी गराइन्छ,' विज्ञप्तिमा भनिएको छ।
