समाचार

२ सय ६० जना कोरोना संक्रमित आइसियु र भेन्टिलेटरमा उपचाररत

काठमाडौं- देशभर कोरोना संक्रमितको संख्या बढेसँगै आइसियुमा र भेन्टिलेटरमा उपचार गर्नेको संख्या पनि बढ्न थालेको छ। 

स्वास्थ्य तथा जनसंख्या मन्त्रालयका अनुसार आज देशभर २ सय ६० जना कोरोना संक्रमित विभिन्न अस्पतालको आइसियु र भेन्टिलेटरमा उपचाररत छन्। 

मन्त्रालयको तथ्यांक अनुसार ३७ जना भेन्टिलेटरमा र २२३ जना संक्रमित आइसियुमा उपचाररत रहेका छन्। 

आइसियुमा रहेका संक्रमितको संख्या सबैभन्दा बढी बागमती प्रदेशमा १३३ जना आइसियु र  ३२ जना भेन्टिलेटर, प्रदेश ५ मा ३८ जना आइसियु र ३ जना भेन्टिलेटरमा, प्रदेश १ मा  ११ जना आइसियु र २ जना भेन्टिलेटरमा उपचाररत रहेको मन्त्रालयले जनाएको छ। 

त्यस्तै प्रदेश २ मा २०, गण्डकी प्रदेशमा ६  र कर्णाली प्रदेशमा १५ आइसियुमा उपचाररत रहेका छन्। 
 

प्राप्त प्रतिकृयाहरू

यसमा तपाइको मत

प्रतिकृया दिनुहोस

swasthyakhabar

पढ्नै पर्ने