काठमाडौं- पूर्व प्रधानमन्त्री तथा नेकपा एमालेका वरिष्ठ नेता झलनाथ खनाल अस्वस्थ भएका छन्। उनलाई नर्भिक अस्पताल भर्ना गरिएको छ।
नेता खनाललाई विगत ९ दिनदेखि ज्वरो आइरहेको थियो। ज्वरो कम नभएसँगै स्वास्थ्यमा थकान महसुस हुने, सास फेर्न गाह्रो हुनेजस्ता समस्या पनि देखिएपछि आज बिहान पौने ८ बजे नर्भिक अस्पतालको आकस्मिक कक्षमा भर्ना भएको अस्पतालद्वारा जारी विज्ञप्तिमा उल्लेख छ।
खनाललाई हाल आकस्मिक कक्षबाट वार्डमा सारिएको छ। वार्डमा अक्सिजनको सपोर्टमा उपचार जारी राखिएको अस्पतालले जनाएको छ ।
सामान्य अवस्थामा रहेका नेता खनालको रगत जाँच गर्दा हेमोग्लोबिनको मात्रा कमी देखिएको छ।
उपचारमा संलग्न चिकित्सकहरुका अनुसार उनको लक्षण हेर्दा पोस्ट कोभिडपछिको समस्या हुनसक्ने अनुमान गरिएको छ।
आवश्यक जाँच तथा उपचार प्रक्रिया जारी राखिएको छ।
