काठमाडौं– स्याङ्जा निर्वाचन क्षेत्र नम्बर २ मा सुरुवाती अग्रता लिएकी नेकपा एमालेकी उम्मेदवार पद्मा अर्याल अहिले पछि परेकी छन्।
उनीभन्दा नेपाली कांग्रेसका धनराज गुरुङले ६५४ मतले अग्रता लिएका छन्। गुरुङले ३ हजार ९०१ मत प्राप्त गरेर अग्रता बढाउँदैछन्। यस्तै पूर्व स्वास्थ्य राज्यमन्त्री अर्यालले भने ३ हजार २४७ मत प्राप्त गरेकी छन्।
सोही क्षेत्रमा राष्ट्रिय पार्टीका उम्मेदवार टिकाराज गुरुङले भने ७६१ मत प्राप्त गरेका छन्। निर्वाचन कार्यालयका अनुसार स्याङ्जा २ मा जम्मा ७० हजार १९१ मत खसेको छ।
